Иако денес ги нарекуваме „први дами“ сопругите на претседателите, малкумина знаат дека првата жена што го носела овој назив не била сопруга на шефот на државата.
Тоа била Хариејт Лејн – сестричка на 15. американски претседател, Џејмс Бјукенан, кој останал неженет.
Хариејт останала без родители на млада возраст и побарала нејзин старател да биде вујко ѝ Бјукенан.
Википедиа
Тој ја школувал и ја вовел во високото друштво. Кога станал претседател (1857–1861), таа ја презела улогата на домаќинка во Белата куќа, одржувала свечени вечери, уметнички собири и се залагала за правата на домородното население.
Била модна икона на своето време – жените ги копирале нејзините фризури и стил, а по неа биле нарекувани деца, бродови и дури и претседателската јахта.
По мандатот на нејзиниот вујко, се омажила на 36 години и добила два сина, но за жал, го загубила и сопругот и децата. Починала во 1903 година, а со нејзиното наследство била изградена училиштето „Сент Олбанс“ во Вашингтон – една од најпрестижните школи во САД.
Хариејт Лејн останува запаметена како првата вистинска прва дама на Америка – влијателна, елегантна и хумана.
Македонија во моментот ја има првата жена претседател, па затоа титулата „првата дама“ во наредниот период останува без формален носител.
Фото: EPPA
