Измените на Кривичниот Законик резултираа и со преквалификација на кривичниото дело за екс генералниот секретар на владата Мухамед Зекири и укинување на мерката куќен притвор. Тој беше обвинет за злоупотреба на службената положба од ставот 5 поврзан со јавните набавки кој со законските измени се избриша и сега ќе одогвара за став 4 од изменетиот член. По старата одредба предвидена беше затворска казна од 5 до 20 години. Нова одредба предвидува од 1 до 5 години затвор. Со измените, неговото дело од обвинителен акт се трансформираше во обивнителен предлог кој се води по скратена постапка. На денешното рочиште бил сослушан сведок предложен од одбраната.
Зекири е обвинет за злоупотреба во два спорни договори за консултантски услуги. Едниот за процена на вредноста и длабинско снимање на АД Пошта и другиот за потенцијална приватизација на Железници Транспорт. Според бовинтелството ги склучил без тендер со две различни компании во рок од два месеца (мај и јуни) лани, по што им биле исплатени еден ипол милиони евра- сума која се пресметува како штета на државниот буџет.