Дури и најголемите љубители на зимницата понекогаш се збунуваат кога треба да објаснат – која е разликата помеѓу ајвар и пинџур?
А ако во приказната ги додадеме и лутеницата, малиџаното, закуската – конфузијата станува целосна. За среќа, сега имаме јасни одговори.
Сезона на зимница и стара дилема
Кога ќе започне септември и мирисот на печена пиперка, прашањето повторно се враќа: Дали ајварот и пинџурот се исто? Одговорот е – не се. Иако многумина ги сметаат за сродници, разликата е и во рецептурата и во вкусот.
Што е вистински домашен ајвар?
Оригиналниот ајвар од традиционална рецептура се прави само од 3 состојки:
-
црвени печени пиперки;
-
масло;
-
сол.
Летната варијанта може да содржи и печен модар патлиџан, а зачините се додаваат дури пред сервирање ако се чува во замрзнувач.
Клучната особина на ајварот е густината и слаткастиот, димлив вкус на печената пиперка.
Пинџур – поароматичниот роднина на ајварот
Основната состојка повторно е печена црвена пиперка, но му се додаваат домати и лук, што му дава поблаг, киселкаст вкус и поретка текстура.
Разликата е и во подготовката – кај пинџурот пиперките се сечкаат, а не се мелат.
EPA
Постапка:
-
Се чисти и сечка испечената пиперка;
-
На доматите им се лупи кората и се сечат;
-
Во загреано масло се додаваат доматите и лукот додека не се разварат;
-
Се додаваат пиперките, магдоносот, оцетот, сол, шеќерот и по желба лути феферони;
-
Се вари околу еден час додека не ја добие саканата густина.
А што се тогаш лутеница, малиџано и закуска?
-
Лутеница – печена пиперка + домат + лута пиперка + лук;
-
Закуска – романски специјалитет од модар патлиџан, печена пиперка, лук и варен домат;
-
Малиџано – македонски деликатес од модар патлиџан, зелена пиперка, лук и сенф.
Од каде потекнуваат? (според Taste Atlas)
-
Ајвар – Србија, Македонија;
-
Лутеница – Македонија, Бугарија;
-
Пинџур – Босна, Хрватска, Бугарија, Македонија, Албанија, Србија;
-
Закуска – Романија;
-
Малиџано – Македонија.
Извор: Курир / EPA
