Музичката ѕвезда Ријана на својот инстаграм-профил објави фотографија на која позира за насловната страница на магазинот „Интервју“ облечена како калуѓерка.
Пејачката позираше облечена како калуѓерка со црвен кармин и длабоко деколте, а глетката ги налути обожавателите. Во видеото што го објави од снимањето на насловната страница, Ријана дури и се допира по градите.
„Ова н.е е во ред“, „Ја сакам Ријана, но не ја разбирам опсесијата со сексуализирани религиозни приказни“, „Зарем ова не е богохулство?“, „Зошто не ја почитуваш религијата?“, „Што ти е во главата? Господ да ти прости“, „Девојко, јас сум атеист, но и за мене ова е премногу“, „Ти се потсмеваш на христијанството, како и обично. Дали би го исмејувала и исламот? Не. Тогаш зошто правиш пародија за христијаните?“, се само дел од коментарите на налутените обожаватели на пејачката
Инаку, Ријана во претходните интервјуа објасни дека е христијанка и дека односот со Бог ѝ помогнал да се справи со славата.
