Русковска: Мојот случај не е ист како на Катица Јанева, јас не злоупотребив функција за пари

На прашањето дали овој случај е идентичен како оној на Катица Јанева, обвинителката Вилма Русковска денеска истакна дека двата случаи немаат никакви допирни точки.
„Не сум јас како Катица Јанева и не ја злоупотребувам својата функција, а особено не за парични средства. Воопшто не ја споредувам мојата судбина со судбината на Катица. Се што е превземено во двата предмети е согласно Законот, така што тие два случаи не може да се споредат“, дополни Русковска.