Нов ден нов скандал со дрога, велат од СДСМ, објавувајќи фотографија од лидерот на ВМРО-ДПМНЕ, Христијан Мицкоски. Според партијата, Мицкоски на сликата е во друштво со дилер на дрога и оружје од Струга, приведен на 24.11.2023, како дел од организирана криминална група, која се занимавала со недозволена трговија со дрога и оружје.
Од владеачката партијата порачуваат дека ВМРО-ДПМНЕ прерасна во расад на криминални групи и гнездо на конзументи на дрога.
-Со дрога беше фатен и истакна член на ДПМНЕ, соработник на Мицкоски од Пештани. Мицкоски го гледаме во друштво како седи на иста маса со лице од Грчец уапсен за трговија со 32 килограми дрога, вредна 120.000 евра. Мицкоски е опкружен со радикали, лица фатени со кокаин, лица што се бават со недозволена трговија со дрога и оружје, стои во објавата на партијата од „Бихаќка“.
-Лицемерно, ДПМНЕ е гордее со своите конзервативни вредности, а од друга страна е гнездо на структури, кои претствауваат закана за државата, опасност за сите, а особено за најмладите, стои во соопштението од СДСМ.
Извор. https://lokalno.mk/sdsm-objavi-nova-fotografija-mickoski-vo-drushtvo-so-diler-na-droga-i-oruzhje-od-struga/
