Бившата Министерка за надворешни работи на Република Бугарија, во интервју за Бугарската БГНЕС изјави дека во Македонија антибугарскиот бран станал антиевропски. Таа рече дека сиите знаеме кој има интерес од ова, кој не сака Северна Македонија да влезе во Европската Унија и кој сака Балканот да остане нестабилен.
Ви пренесуваме дел од нејзиното интервју во БГНЕС
БГНЕС: По укинувањето на бугарското вето за РСМ за почеток на преговори за членство во ЕУ, кај нашиот западен сосед избувна нов бран на антибугарска кампања. Дали во Брисел разбираат дека македонизмот е неспоив со европските вредности и дека не му е место во ЕУ?
Екатерина Захариева: О, да. Мора да бидеме наивни дека Брисел не ја разбира нашата загриженост. Урсула фон дер Лајен тешко дека ќе заборави како ја пречекаа во парламентот на Северна Македонија – со плакати „Предавници на народот“, „Народот рече НЕ, сфатете се“, „Јазикот е идентитет“, „Деца на Заевизмот, вие сте враќање на фашизмот“.
Што е со францускиот претседател, што со комесарот за проширување? Одамна антибугарскиот бран стана антиевропски. Сите знаеме кој има интерес од ова, кој не сака Северна Македонија да влезе во Европската Унија и кој сака Балканот да остане нестабилен.
Зарем не мислите дека европските амбасадори во Скопје пред неколку дена не видоа како на трибините на нивниот стадион публиката ја исвиркува нашата химна и ги навредува нашите фудбалери. Видовте ли таков став во Разград кога бевме домаќини на нивната фудбалска репрезентација?
Едно мора да им биде јасно на политичарите во Скопје, Европската унија гарантира подобар живот за нивните граѓани и тие го сакаат токму тоа, но наместо да одат по патот на добрососедството, тие се уште се жртви на комунистичката југословенска пропаганда на омраза кон Бугарија. . Затоа сакаме оваа земја да ги отвори своите архиви на тајните служби, да се исчисти од поранешните комунистички полициски агенти во нејзините редови, да го отстрани јазикот на омраза од учебниците и медиумите. Никој не ги бира соседите, нема шанси да ги придвижиме нашите земји понатаму, па затоа е смешно и одвратно да се живее вака – во омраза. А кој и да го поттикне тоа ќе биде најстрого казнет, ако не сега, тогаш во историјата./BGNES
