Седуммина мртви во превртениот танкер кај Јапонија

Танкер со хемикалии што пловел под јужнокорејско знаме се преврте во близина на брегот на префектурата Јамагучи во западна Јапонија, при што е потврдено дека загинале седум членови на екипажот, јави денеска јавната телевизија NHK, цитирајќи ја крајбрежната стража.

Танкерот Keoyoung Sun бил закотвен во лоши временски услови и повикал помош по 7 часот наутро во средата (23 часот во вторник по средноевропско време), велејќи дека бродот се навалува, објави NHK.

Бродот имаше 11 членови на екипажот. Од деветте членови на екипажот кои беа извлечени, за седум е потврдена смртта, додека во тек се операции за спасување на останатите двајца.

Танкерот превезувал 980 тони акрилна киселина, но не е откриено излевање, наведува NHK.Од: А1он