21-годишник од Република Турција пријавил во полицијата дека бил измамен од женско лице од Скопје.
Според пријавеното, откако на 29 ноември на социјалната мрежа Фејсбук видел дека жената изнајмува стан, стапил во контакт со неа и договориле средба.
Како што е пријавено, на средбата тие се договориле да го изнајми станот, по што и дал 200 евра и земал клуч од станот, но не отишле да го видат затоа што наводно имало станари. Според пријавеното, на 2 декември тој отишол до станот, но не можел го отвори со клучот, по што ја побарал телефонски, но не му одговорила и сфатил дека е измамен.
Се преземаат мерки за расчистување на случајот.
Извор. https://makfax.com.mk/crna-hronika/%D1%81%D0%BA%D0%BE%D0%BF%D1%98%D0%B0%D0%BD%D0%BA%D0%B0-%D0%B8%D0%B7%D0%BC%D0%B0%D0%BC%D0%B8%D0%BB%D0%B0-%D1%81%D1%82%D1%80%D0%B0%D0%BD%D0%B5%D1%86-%D0%BC%D1%83-%D0%B4%D0%B0%D0%BB%D0%B0-%D0%BA%D0%BB/
