Се огласи и Тамара Тодевска по повод невидената трагедија што се случи во Кочани денес. Таа беше блиска со сите членови од групата кои ги изгубија животите во пламените јазици, па напиша и поентира:
„Денеска не напуштија наши верни колеги, уметници, невидени таленти и предобри луѓе.
Немам зборови кои можат да ја опишат оваа болка и тага. Лута сум, гневна, тажна… разочарана.
И не сакам да бирам зборови и сето ова да звучи „пристојно“ и „коректно“. Затоа што тука веќе одамна ништо не е пристојно, ништо не е на цена, а човечкиот живот најмалку.
Со Андреј имам преубави моменти, заеднички настапи, концерти и дружби… Сара! Нема уметник во Македонија на кој му „нема чувано грб“, душа од човек и другарка. Фичо беше невиден талент… Горги беше наш колега, чие време допрва доаѓаше…
Оставете ја „шупата“. Нека сведочи за нашата мизерија, за колективната негрижа, корупција и мизерија. Нас ни нема спас.
Големо сочувство до семејствата и блиските на моите колеги, другари, до сите луѓе кои денеска загинаа во Кочани… до следната трагедија.“
