Унгарската влада ќе ја задржи економската стабилност следната година и ќе ги задржи ограничувањата на растот на цените на енергијата за домаќинствата, иако Европската унија се лизга кон економска криза, изјави денеска унгарскиот премиер Виктор Орбан.
На денот кога земјата ја одбележува годишнината од востанието против советската влада во 1956 година, Орбан рече дека следната година ќе има повеќе предизвици, пренесе Ројтерс.
– Војна на исток и економска криза на запад – им порача Орбан на приврзаниците во Залаегерсегу, кој се наоѓа на околу 200 километри западно од Будимпешта, додавајќи дека во ЕУ има финансиска криза и економски пад.
Тој посочи дека Унгарците во 1956 година научиле дека е потребно единство во тешки времиња.
– Ќе ја зачуваме економската стабилност, секој ќе има работа. Семејствата нема да бидат оставени сами на себе – нагласи Орбан.
