Маж и жена од Србија се уапсени под сомнение дека сториле кривични дела против сексуалната слобода на штета на неговите малолетни ќерки од претходните бракови. Основното јавно обвинителство и полицијата сега имаат тешка задача да утврдат дали некој од нив ги принудувал ќерките на проституција.
Се работи за жител на Крушевац и неговата емотивна партнерка, а децата се од негови претходни бракови.
Случајот е во фаза на преземање доказни дејствија, а се проверува дали сториле некое од кривичните дела: недозволени полови дејствија, дистрибуција на порнографски материјал или сексуална експлоатација.
Случајот е исклучително сложен, пред се поради семејните врски меѓу осомничениот и наводните жртви.
– Обвинувањата се страшни и се уште не се целосно дефинирани. За работите да бидат уште пострашни, станува збор за ќерките на уапсените. Освен да се провери дали некој од нив е макро, треба да се утврди и дали можеби ги снимал додека наводно биле со мажи и ги дистрибуирал тие снимки. Засега интензивно се истражуваат сите околности за извршување на неколку наводни кривични дела – вели соговорник близок до истрагата.
Како што е познато, постапката е поведена кога едно од девојчињата ѝ се доверила на мајка си, поранешната сопруга на осомничениот, која целиот случај го пријавила во полиција. По тоа се огласила и уште една од ќерките на осомничениот, но од друг брак.
Во меѓувреме, полицијата почна да ја проверува автентичноста на сите изјави, се сослушуваат сведоци, а ќе се вршат и дополнителни вештачења, не само психолошко-психијатриски, туку ќе се проверуваат и мобилните телефони и целата комуникација од социјалните платформи.
