Филипче: Имавме сериозен хируршки зафат кај шестмесечно бебе, на овој мал борец му овозможивме шанса за успешен раст -

Eкс министерот за здравство и лекар, Венко Филипче на социјалните мрежи објави дека имале интервенција кај бебе.

„Денеска со мојот тим на Клиниката за неврохирургија имавме исклучително сериозен хируршки зафат кај шестмесечно бебе. Нашиот мал пациент имаше вродена аномалија на черепот, неговата состојба беше комплексна и мораше веднаш да се оперира како не би дошло до поголеми компликации. Операцијата која траеше неколку часа, помина во најдобар ред и со помош на оваа интервенција на овој мал борец му овозможивме шанса за успешен раст и развој“, пишува Филипче.