ФОТО/ВИДЕО: Полицајци извлекуваат луѓе заглавени во автомобили под поплавените скопски подвозници

Полицајци во координација со противпожарните служби и други институции им помагаат на граѓаните во Скопје по големото невреме кое попладнево го зафати главниот град.

Се извлекуваат заглавените возила од подвозниците кај хотелот „Александар палас“, кај „Континентал“ и кај стоковната куќа „Мост“.

Интервенира и службата за итна медицинска помош. За МИА оттаму информираа дека добиле пријави за повредени граѓани, но оти засега не се евидентирани посериозни повреди.