Израелската водителка на вести Литал Шемеш се најде на насловните страници кога се појави во етерот со пиштол вметнат во панталоните среде емисија.
Сликата на Шемеш како носи огнено оружје стана вирална на социјалните мрежи, а многумина ја поврзаа со последиците од нападот на Хамас на 7 октомври и војната што следеше.
Како што можете да видите на сликата, и нејзиниот колега имал пиштол под кошулата.
News reporters in Israel don’t mess around. pic.twitter.com/gGKxtArfvL
— Marina Medvin 🇺🇸 (@MarinaMedvin) January 3, 2024
Шемеш го отслужи својот воен рок, кој е задолжителен и за жените во Израел, во одделот за гранична полиција на ИД (Израелски одбранбени сили) на нејзино барање, од 2002 до 2005 година, т.е. за време на екот на втората интифада.
Во единица од околу 100 мажи, таа беше една од само петте жени.
„Израел се вооружува“, полесно до пиштолот
Во Израел, нација од девет милиони жители, околу 150.000 имаа приватни дозволи за оружје во 2021 година, бројка што се намали за околу 20 отсто во претходната деценија, според Министерството за национална безбедност. Повеќето такви дозволи се за пиштоли, пишува Њујорк Тајмс.
Но, по 7 октомври, Израелците поднеле најмалку 256.000 барања за дозволи за оружје, вклучително и многумина кои никогаш претходно не размислувале да поседуваат таква дозвола.
Сегашниот екстремно десничарски министер за национална безбедност на Израел, Итамар Бен-Гвир, долго време се залагаше за проширување на поседувањето оружје, а во средината на октомври пратениците го потпишаа законот усвоен од неговата канцеларија, кој го олеснува процесот.
Младите мажи со пушки закачени преку рамениците станаа вообичаена глетка во Израел.
Стотици илјади активни војници или резервисти го чуваат оружјето дома.
ИЗВОР. https://4news.mk/foto-fotografijata-od-voditelkata-koja-nosi-pishtol-srede-emisija-stana-viralna-rekorden-broj-izdadeni-dozvoli-vo-izrael/?fbclid=IwAR0ueoZ1RI9KWXgiogzuIiTKspsV7AmL6FBDzJmYwpmCAMSsei0UmJuNSFQ