Штипјанец тешко повреден во сообраќајка меѓу камион, автобус и мотор

Вчера, во полиција, било пријавено дека околу 11 часот, на кружниот тек од улицата Партизанска и улицата Борис Крајгер во Штип се случила сообраќајна несреќа помеѓу товарно возило „мерцедес“, управувано од триесет и четиригодишниот С.З., автобус „мерцедес“, управуван од триесет и тригодишниот Ф.Р, и мотоцикл „сузуки бургман“, управуван од триесет и седумгодишниот А.Р од Штип, сите од Штип.

Во несреќата мотоциклистот добил тешки телесни повреди, констатирани во Клиничката болница во Штип.

Увид на местото бил извршен од екипа на СВР Штип.

ИЗВОР: https://www.slobodenpecat.mk/shtipjanec-teshko-povreden-vo-soobrakjajka-megju-kamion-avtobus-i-motor/