Конечно по децении постојна потреба, целосна реконструкција на патот кон Кањонот и езерото Матка како една од најатрактивните туристички дестинации во Скопје, која покрај тоа што е заштитена како споменик на природата, изобилува и со голем број културно-историски споменици, вели Арсовска.
Градоначалничката на Скопје Данела Арсовска на Фејсбук најави дека на лична иницијатива ќе предложи неколку крупни инфраструктурни проекти на следната седница на градот. Во објавата таа вели дека Скопје мора рамномерно да се развива. Потсетувајќи дека се реализира програмата „За модерно Скопје“ таа пишува дека на скопјани им требаат нови зелени површини. Најавува дека ќе започне со изградба четвртиот Мега парк во градот, проект, кој „треба да го уреди постојниот девастиран простор покрај Вардар“.
Арсовска вели и дека ќе предложи реконструкција на водоводната и фекална мрежа во Чучер Сандево и санација на улици во Кучевишка Бара и Бел Камен, дека во Момин Поток ќе се вози по реконструирана улица, дека Карпош ќе добие две нови улици поради кружниот тек и клучката кај Момин Поток каде ќе има нов сообраќаен режим.
