Претседателот на Собранието Талат Џафери ги чека резулатите од истрагата на МВР која треба да утврди кој дозволил во живо на собранискиот Јутуб канал да се слуша тонот од затворената седница на собраниската комисија за надзор над работата на АНБ, која се одржа во петокот, а на која директорот Виктор Димовски реферираше за македонското државјанство на контроверзниот Оленсандр Онишченко. И претседавачот со Комисијата Љупчо Пренџов информираше дека продолжението на комисиската расправа, ќе го закаже откако ќе добие известување од Џафери.
Но, директорот на АНБ Димовски освен пред пратениците, утре на затворена седница во Владата ќе треба да даде отчет за даденото позитивно мислење за Онишченко да добие македонски пасош, информираше премиерот Димитар Ковачевски.Тој кажа дека одговорност мора да има, а најави дека на чело на АНБ ќе биде назначен нов директор, но не поради скандалот, туку поради тоа што Димовски треба да биде амбасадор на Македонија во Франција.
„ Одговорност мора да има и тоа е работа на анализата односно истрагата која таму треба да биде спроведена и јас сметам дека се спроведува. Да ќе имаме нов дикректор на АНБ и тоа ќе се случи би рекол ов наредните 24 дена именвуање на нов директор на АНБ треба да биде професионалец со долгогодишно искуство, кој ќе треба исто така да ги помине филтрите на стратешките партнери. “-Димитар Ковачевски – Претседател на Владата
За случајот со Онишченко, Димовски во петокот изјави дека само едно лице од АНБ направило пропуст, кој како што посочи, иако требало да се консултира со партнерите од НАТО за безбедносен ризик тоа не го сторил и дал одборение, но не откри за кого точно станува збор.
Димовски кажа нема лична одговорност за случајот, но ако се утврди дека има пропуст од негова страна, тогаш тој ќе биде спремен да се соочи и да сноси одговорност ако се утврди дека е виновен