Dosja Epstein: Del në qarkullim një fotografi ku pretendohet se shfaqet edhe Zelensky
Në kuadër të publikimeve të reja që lidhen me dosjen famëkeqe të Jeffrey Epstein, në rrjete sociale dhe disa media online ka nisur të qarkullojë një fotografi ku pretendohet se shfaqet edhe presidenti i Ukrainës, Volodymyr Zelensky.
Fotografia po shpërndahet gjerësisht, duke nxitur reagime të shumta dhe debate publike, megjithatë deri tani nuk ka asnjë konfirmim zyrtar mbi autenticitetin e saj apo mbi kontekstin në të cilin është realizuar.
Institucionet përkatëse nuk kanë reaguar ende lidhur me këto pretendime.
Dosja Epstein vazhdon të jetë një nga çështjet më të ndjeshme ndërkombëtare, pasi përfshin emra të njohur nga politika, biznesi dhe showbizi, ndërsa çdo publikim i ri shkakton interes dhe polemika të mëdha. Ekspertët bëjnë thirrje për kujdes ndaj dezinformatave dhe theksojnë se çdo pretendim duhet trajtuar vetëm mbi bazë faktesh të verifikuara.
