Një ngjarje tronditëse ka tronditur zonën e Napolit në Itali, ku një 25-vjeçar ka vrarë motrën e tij vetëm 23 vjeçe brenda banesës familjare.
Sipas mediave italiane, i riu ka telefonuar vetë policinë pas krimit, duke u treguar efektivëve se e kishte kryer vrasjen në një moment “tensioni ekstrem”.
Detajet e rënda të ngjarjes
Menjëherë sapo policia ka mbërritur në vendngjarje, 25-vjeçari ka rrëfyer gjithçka. Por ajo që e ka bërë edhe më tronditëse situatën është fakti se, sipas hetuesve, ai ka marrë në video nënën e tij pas ngjarjes, duke i treguar trupin e pajetë të së bijës.
Policia po heton tashmë për të përcaktuar momentin e vërtetë të ngjarjes dhe përmbajtjen e telefonatës që autori ka bërë menjëherë pas vrasjes.
Autori pa precedent penal
Nga të dhënat paraprake, 25-vjeçari nuk rezulton me precedentë të mëparshëm penal, gjë që e ka shtuar edhe më shumë misterin dhe tronditjen rreth motivit të krimit.
Hetimet vijojnë për të zbardhur plotësisht dinamikën dhe shkaqet që çuan në këtë tragjedi familjare.
