Mon Neziri është emëruar pjesë e kabinetit të kryetarit të sapozgjedhur të Komunës së Mitrovicës, Faton Peci.
Pas këtij emërimi ka reaguar gazetari Valon Syla, i cili ka shprehur kritika publike. Përmes një reagimi në rrjetet sociale, Syla ka deklaruar se Mon Neziri është personi që ishte parë duke festuar fitoren e Pecit, duke djegur goma automjetesh.
“Mon Neziri është pjesë e kabinetit të Faton Pecit zyrtarisht nga sot. Ky është personi që u pa duke festuar me goma të automjeteve. Vota juaj për Lëvizjen Vetëvendosje nuk është vetëm për Albin Kurtin, por edhe për militantë të tillë dhe të tjerë para tij”, ka shkruar Syla.
Në reagimin e tij, Syla ka shprehur pakënaqësi ndaj këtij emërimi, duke e cilësuar atë si të papërshtatshëm dhe duke shtuar kritika të ashpra ndaj vendimit.
Nga ana tjetër, deri në këtë moment, nuk ka pasur reagim zyrtar nga kryetari i Komunës së Mitrovicës, Faton Peci, apo nga institucioni komunal lidhur me këto kritika.
