Tragjedi në një familje shqiptare në Itali: Katër anëtarë humbin jetën nga rrjedhja e gazit
Katër anëtarë të një familje që dyshohet të jetë shqiptare kanë humbur jetën nga helmimi me monoksid karboni në një shtëpi në Rughi, një qytet në provincën e Luccës në Itali. Tragjedia ndodhi mbrëmjen e së mërkurës, kur familja e tërë u gjet e pajetë si pasojë e helmimit vdekjeprurës të shkaktuar nga monoksidi i karbonit. 
Sipas raportimeve, autoritetet italiane po hetojnë për të zbuluar më shumë rreth rrethanave të ngjarjes, ndërsa emrat e viktimave ende nuk janë bërë publikë nga autoritetet. 
Alarmi u dha nga një i afërm i familjes, pasi nuk mundi të kontaktonte asnjë prej anëtarëve. Kur ekipet e urgjencës mbërritën në vendngjarje, u konstatua se katër persona ishin të pajetë, ndërsa një person tjetër — një i afërm — ishte ende gjallë, por në gjendje kritike dhe u dërgua me urgjencë në spital.
Shërbimet e shpëtimit — ambulanca dhe zjarrfikësit — reaguan menjëherë dhe hynë në shtëpi për të tentuar të shpëtonin kushdo që mund të ishte ende gjallë. Megjithatë, katër trupat u gjetën pa shenja jete. 
Autoritetet italiane po vazhdojnë hetimet për të sqaruar arsyet e rrjedhjes së gazit dhe se si kjo helmim i monoksidit të karbonit çoi në humbjen e jetës së gjithë familjes. 
