Земјотрес со јачина од 3,9 степени според Рихтер во Германија

Жителите на Тибинген во германската провинција Баден-Виртемберг рано утринава ги разбуди земјотрес, кој беше почувствуван и во Австрија и Швајцарија.

Земјотресот се случил утрово во 6 часот и 13 минути и бил со јачина од 3,9 степени според Рихтеровата скала.

Епицентарот на земјотресот се уште не е прецизно утврден, јавуваат германските медиуми.

Додека швајцарските власти тврдат дека тој се наоѓал во близина на Албштат, германските власти наведуваат дека се наоѓал во близина на Хехинген.

Засега нема извештаи за штети, но како што истакнуваат германските власти, тие се можни само во помала мера со таа јачина.