Autobusi nga Kosova i kompanisë “Turist Kosova e Re”, është sulmuar mbrëmë me gurë në Serbi, saktësisht në rrugën Nish-Leskov, kur po kthehej nga Zvicra për në Kosovë.
Rastin për Gazeta Online Reporteri.net e kanë konfirmuar nga kjo kompani, derisa kanë bërë të ditur se sulmi ka ardhur nga dy persona të maskuar.
“Lajmi është i vërtetë, rasti ka ndodhur mbrëmë aty afër orës 19:00 derisa kemi qenë duke u kthyer nga Zvicra për në Kosovë. Kanë qenë dy persona të maskuar të cilët kanë hedhur gur”, kanë thënë nga kompania “Turist Kosova e Re” në një bisedë telefonike me Reporteri.net.
Gjithashtu nga kompania në fjalë thanë se nuk është lënduar asnjë nga udhëetarët.
“Fatmirësisht nuk ka asnjë të lënduar”, kanë deklaruar nga “Turist Kosova e Re”./Reporteri.net/
