Gruaja me thonjtë më të gjatë në botë ka treguar arsyen tragjike pse u zotua se nuk do t’i presë më. Diana Armstrong theu Rekordin Botëror Guinness për thonjtë më të gjatë në një palë duar ndonjëherë (femër), me një gjatësi të kombinuar të thonjve prej 128 cm.
Ajo lufton me detyrat e përditshme, pasi ka thonj shumë të gjatë. Asaj i janë dashur 25 vite për t’i rritur, kohë në të cilën nuk ka qenë një herë të vetme në ndonjë sallon. Ajo nuk i ka prerë thonjtë që nga viti 1997 dhe thotë se nuk do t’i presë kurrë.
Diana, e cila preu thonjtë për herë të fundit në vitin 1997, u zotua se nuk do t’i priste më pasi 16-vjeçarja e saj Latisha vdiq tragjikisht në gjumë nga një atak astme.
Vajza e saj ishte personi i fundit që ia bëri thonjtë, edhe pse fëmijët e tjerë të saj u përpoqën ta bindin që t’i bënte me manikyr.
Duke folur për mënyrën se si ia del me “kthetrat” kaq të gjata, Diana, nga Minesota, SHBA, tha: “Mezi mbyll kopsat e pantallonave apo xhaketës sime. Mund të hap një kanaçe me gaz, por më duhet një thikë. Në tualetet publike më duhet të përdor tezgën më të madhe, thonjtë e mi zakonisht janë më të gjatë se tezgat e përmasave të zakonshme”.
Ajo shtoi: “Më duhen rreth 10 orë për t’i lyer dhe lustruar thonjtë. Për t’i lyer ato, më duhet të përdor një mjet për punimin e drurit Dremel. Nëse më duhet të marr para nga dyshemeja, nu kia dal dot”.
Pasi u njoh zyrtarisht nga ekipi i rekordeve botërore Guinness në fillim të këtij viti, Diana fillimisht mendoi se ishte një lloj shakaje, por tani është krenare për vlerësimin e saj dhe beson se Latisha do të ishte gjithashtu.
