Ali Salaj ka thënë se Qeveria e Malit të Zi në kryesi me kryeministrin, Dritan Abazoviq pritet të rrëzohet me datën 19 të këtij muaji.
Pas nënshkrimit të Marrëveshjes Themelore ndërmjet Qeverisë së Malit të Zi dhe Kishës Ortodokse Serbe në mëngjesin e tre gushtit në Podgoricë mes kryemionistrit malazias, Dritan Abazoviq dhe patriarkut Porfirije, gazetari Ali Salaj ka thënë se pritet që kryeministri malazes të largohet nga pozita me një nhocion mosbesimi nga partitë e tjera atje.
“Pritet që me datë 19 të këtij muaji, PDS e Gjukanoviq dhe Partia Socialo-demokrate dhe Partia e Unionit Demokratik ta heqin mosbesimin ndaj partisë së pakicës”, ka thënë ai gjersa ka theksuar se partinë në pushtet e përkrahin partitë proserbe.
Ai ka theksuar që për t’u arriur largimi i Abazoviq, duhen 41 vota. Njëherësh, ai ka përmendur edhe kushtet në të cilat është nënshkruar marrëveshja duke thënë se kjo e fundit, ishte ceremonia ishte e paparalajmëruar dhe e realizuar pa praninë e mediave.
Për marrëveshjen e nënshkruar mes Qeverisë së Malit të Zi dhe Kishës Ortodokse Serbe ka reaguar edhe ish-zëvendësministri i Punëve të Jashtme, Anton Berisha.
Duke cilësuar kryeministrin e Malit të Zi, Abazoviq sikurse “mashtrues”, Berisha ka thënë se mënyra e ardhjes në pushtet e tij nuk dallon shumë nga ajo e Kryeministrit të Kosovës, Albin Kurti.
“I maskuar nën petkun e orientimit qytetar, e ndërton urën me Kishen Ortodokse Serbe, që pa hyrë në detaje tjera, nuk e njehë Malin e Zi si shtet, nuk e njehë kombin malazez ashtu siç nuk e njehë as shtetin e Kosovës”.
