Me letërnjoftime ilegale, serbët e Kosovës do ta kalojnë lirshëm kufirin

Nuk ka asnjë shenjë. Por të gjithë e dinë se ku duhet drejtuar për t’u pajisur me dokumente të Serbisë. Ky objekti i Komunës Paralele të Prishtinës, ndodhet në Gracanicë, vetëm disa kilometra larg kryeqytetit të Kosovës.
I vendosur në këtë qytezë me shumicë serbe, këta operojnë ilegalisht dhe në kundërshtim me ligjet dhe Kushtetutën e Republikës.
Këtu bëhet aplikimi për letërnjoftim të Serbisë, shtet ky që Kosovën vazhdon ta trajtoj se pjesë të saj.
Mirëpo pavarësisht se janë jo-ligjore, serbet do vazhdojnë të kenë mundësi të hyjnë në Kosovë me këto dokumente, edhe pas datës 1 shtator.
Për këtë arsye, nga Partia Social-Demokrate kritikojnë ashpër kryeministrin Albin Kurti.
Këto aludime të liderit të PSD-së, Dardan Molliqajt, megjithatë demantohen nga qeveria.
Nga ekzekutivi thonë se s’ka marrëveshje tjetër për Lirinë e Lëvizjes, vetëm do e zbatojnë reciprocitetin nga ujdia e nënshkruar në 2011.
Përveç pranimit të letërnjoftimeve, Kosova e Serbia nuk arritën të merren vesh edhe për targat.
Për këtë çështje, të martën presidenti i Serbisë u shpreh pesimist për gjetjen e ndonjë zgjidhje.