Një vit nga rënia e Afganistanit, vendi në krizë humanitare

news
Advertisement

Një vit nga marrja nën kontroll e vendit nga talebanët, vajzat në Afganistan vuajnë pasojat më të rënda të krizës, mes izolimit, urisë, mungesës së arsimit dhe depresionit.

Advertisement

Alarmi është dhënë nga organizata Save the Children, sipas të cilës i gjithë vendi është përfshirë nga një krizë humanitare, zgjidhja e së cilës qëndron në dhomat e pushtetit të liderëve politikë ndërkombëtarë, të cilët duhet të japin financime humanitare të menjëhershme/tv21.tc/

Në të kundërt, paralajmëron Save the Children, shumë djem e vajza të mitura do të humbasin fëmijërinë e tyre për shkak të punës së detyruar, martesave të imponuara dhe shkeljes së vazhdueshme të të drejtave.

Që kur talebanët rimorën nën kontroll vendin në gusht të 2021-shit, Save the Children, që punon në Afganistan që prej 1976-s, ka intensifikuar reagimin e saj për të mbështetur numrin në rritje të të miturve të cënueshëm.

Organizata po ofron për fëmijët ndihma shëndetësore, ushqim dhe ujë të pijshëm, strehim, shërbime higjienike, etj.
Që prej shtatorit 2021, Save the Children ka shkuar në ndihmë të 2.5 milionë personave, mes të cilëve 1.4 milionë të mitur./tv21.tv/

Advertisement

Leave a Reply

Your email address will not be published.