Pamje të reja tronditëse janë publikuar nga atentati ndaj Fabion Kuçit, i njohur në rrjetin social TikTok me pseudonimin “Gucci”, i cili u plagos pak ditë më parë në një lokal në qytetin e Durrësit.
Siç shihet në videon e siguruar nga kamerat e sigurisë, Fabion Kuçi ndodhej brenda ambientit të lokalit kur një person i armatosur hyn me shpejtësi dhe i drejton armën nga afër. Në momentet e panikut, Kuçi tenton të fshihet pas një personi tjetër që ndodhej pranë tij, ndërsa autori vazhdon të afrohet duke mbajtur armën të drejtuar.
LAJME TË FUNDIT E PAPRITUR/ Erion Veliaj del nga burgu më 31 tetor, zbulohet arsyeja
Pamjet tregojnë qartë kaosin dhe frikën e krijuar në lokal, ndërsa klientët përpiqen të largohen. Pas plagosjes, autori largohet nga vendngjarja, ndërsa i plagosuri transportohet me urgjencë për ndihmë mjekësore.
Policia ka nisur hetimet për identifikimin dhe arrestimin e autorit, ndërsa po analizohen pamjet filmike për të zbardhur plotësisht rrethanat e ngjarjes. Ende nuk dihet motivi zyrtar i atentatit, por pista kryesore lidhet me konfliktet e mëparshme të viktimës.
