Rregulli i tre minutave: Gabimi më i madh që bëjmë pas dushit

Kujdesi i duhur për lëkurën tuaj është jashtëzakonisht i rëndësishëm. Pastrimi dhe hidratimi i rregullt i lëkurës është vetëm një nga mënyrat se si duhet të kujdeseni për të. Megjithatë, nëse keni probleme të tjera me lëkurën, disa nga ritualet tuaja të përditshme mund të bëjnë kërdi në lëkurën tuaj pa e kuptuar fare.

Dushi ka një ndikim të madh në lëkurën tuaj, që nga koha kur kaloni në dush deri në mënyrën se si lani trupin tuaj. Kjo është arsyeja pse është e rëndësishme të krijoni rutinën e duhur që i përshtatet lëkurës tuaj. Një gabim që shumica e njerëzve bëjnë pas dushit është që presin shumë për të aplikuar krem ​​hidratues. Disa madje nuk aplikojnë fare krem ​​për trupin apo qumësht, gjë që është vërtet e keqe për lëkurën. Domethënë, pas dushit, poret zgjerohen për shkak të avullit dhe nxehtësisë në banjë. Çelësi është mbajtja e ujit në trup duke aplikuar krem ​​hidratues brenda tre minutave, thotë një dermatolog Cynthia Bailey.

Pritja më e gjatë se tre minuta për të aplikuar krem ​​hidratues pas dushit do të bëjë që lëkura juaj të humbasë lagështinë. Prandaj mbani gjithmonë një hidratues në banjë dhe aplikojeni një minutë pas dushit. Në këtë mënyrë lëkura do të marrë menjëherë kujdesin e nevojshëm dhe do të jetë e shëndetshme, elastike dhe me shkëlqim.