Zjarr në një shtëpi në Tetovë: Zjarrfikësit kanë bërë katër orë përpjekje për ta shuar

Zjarrfikësit tetovarë kanë shuar katër orë zjarr në një shtëpi në rrugën “Todor Ciposki-Merxhan” afër xhamisë së Saatit. Nga zjarri nuk ka të lënduar.

– Zjarri ka rënë në një shtëpi ku nuk banonte askush dhe ishte e braktisur dhe nuk kishte të lënduar. Kemi intervenuar pas raportimit në orën 02:55, shuarja ka përfunduar plotësisht në orën 06:50, njofton Avni Ameti, komandant i zjarrfikësve të Tetovës.

Në zjarrin kanë punuar 12 zjarrfikës me katër automjete.