Уште 10 имиња на списокот за заминување од раководството на ДУИ на 20 декември
Лидерот на Демократската унија за интеграција (ДУИ), Али Ахмети, најавува длабок рiformатинг на партијата по тешкиот пораз на локалните избори. Според информации, на 20 декември се очекуваат сериозни кадровски промени, при што околу 70 отсто од актуелното партиско раководство ќе биде заменето со нови лица.
Како што дознава порталот TetovaSot, во првата фаза од промените веќе се вклучени седум познати имиња: Фатмир Дехари, Муса Џафери, Џеват Адеми, Теута Арифи, Рамиз Мерко, Садула Дураку и Реси Абдурахмани.
Дополнително, според истите извори, во наредната фаза од рiformатингот се очекува од раководството да бидат отстранети уште околу десет истакнати функционери на ДУИ, меѓу кои се: Талат Џафери, Назим Буши, Агим Нухиу, Билен Саљији, Шабан Мемети, Беким Незири, Ејуп Алими, Фатмир Бесими и Ејуп Рустеми, како и неколку други партиски кадри.
Со овие промени, ДУИ се очекува по 20 декември да добие речиси целосно ново раководство, составено од помалку познати или нови лица, со што партијата ќе се дистанцира од функционерите кои повеќе од две децении беа дел од врвот на партијата.
Извори од ДУИ наведуваат дека овој потег се оценува како неопходен и стратешки, со цел партијата да се консолидира и да се подготви за посилен настап на идните избори.
