Маж се забил во капија на седиштето на ФБИ во Атланта, па се обидел да влезе во зградата

Од ФБИ за Фокс њуз кажале дека возилото удрило во капијата каде влегуваат вработените непосредно по пладне по локално време, како и дека возачот потоа се обидел насилно да влезе во зградата.

Полицијата го уапсила возачот и тој во моментов е во притвор, а не се пријавени повреди.

Безбедносните сили работат на утврдување на идентитетот на возачот и неговиот можен мотив.