Велат вака изгледа рајот: Земјата во која луѓето живеат најдолго, уживаат најмногу, а работат најмалку

news

Рамнотежата помеѓу деловните обврски и приватниот живот се повеќе се истакнува како важен фактор на благосостојба. Размислете кога сонувате да се преселите во идеална земја за живеење, бидејќи понекогаш работите не се баш онакви какви што ни изгледаат од далечина.

Advertisement

Да се ​​постигне идеална рамнотежа не е лесно, особено кога ќе ги земеме предвид начинот и трошоците за живеење во големите градови, пишува магазинот Travel.

Ако се прашувате кои нации успеваат најдобро да ги балансираат работата и слободното време, погледнете ги резултатите од новото истражување подолу. Параметрите што се земаат предвид при рангирањето на земјите вклучуваат просечен број на работни часови неделно, должина на годишен одмор, процент на жители кои имаат ненарушен ноќен сон, должина на животот и чувство на среќа на испитаниците во секоја земја, опфатени со анкетата.

Според сите овие критериуми, Луксембург е на врвот, меѓу другото, благодарение на системот во кој работодавците ги наградуваат вработените со поголем годишен одмор колку се постари. Така, работниците над 55 години во оваа земја имаат просечно 36 дена платен годишен одмор.

Австрија и Данска, кои се рангирани на второто и третото место, на работниците им даваат минимум 25 дена платен одмор годишно и погледнете ја целата топ 10 листа на земји чии жители очигледно најмногу уживаат во животот:

Луксембург

Австрија

Данска

Норвешка

Финска

Шведска

Франција

Белорусија

Холандија

Швајцарија

Велика Британија е на 17-то место благодарение на разумното просечно работно време од 36 часа неделно, релативно високиот животен век од 81,2 години, а повеќе од половина од испитаниците рекле дека спијат во просек 7,5 часа навечер, што е добар резултат. Интересно е што Соединетите Американски Држави се на 87 место, меѓу другото и затоа што на работниците воопшто не им се гарантирани деновите за платени одмори, а дел од населението е незадоволно од квалитетот на сонот во текот на ноќта.

Од друга страна, Кина, Мексико и Малезија се исклучително лошо рангирани, бидејќи во сите три земји просечната работна недела е 46 часа. Бидејќи работното време е значително подолго, би очекувале вработените да добијат повеќе слободно време. Но, тоа воопшто не е така, бидејќи во Кина добивате само 5 дена годишен одмор, во Мексико 6, а во Малезија 8.

Advertisement

Leave a Reply

Your email address will not be published.