Фон дер Лаен: ЕУ да се подготви за најлошата ситуација со рускиот гас

news

Претседателката на Европската комисија, Урсула фон дер Лаен, во интервју за шпанскиот весник „Ел Мундо“ изјави дека ЕУ треба да се подготви за најлошата можна ситуација кога е во прашање снабдувањето со гас.

Advertisement

„Мораме да останеме обединети бидејќи тие се единствените одговорни за оваа енергетска криза во Москва и никаде на друго место. Со оглед на тоа дека Русија веќе делумно или целосно ја прекина испораката на гас за 12 земји членки, сите мораме да бидеме подготвени за најлошото“, нагласи Фон дер Лаен.

Фон дер Лаен истакна дека некои земји од ЕУ се повеќе зависни од рускиот гас „или поради нивната географска положба или поради нивните суверени енергетски одлуки“ и додаде дека овие земји сега се во поранлива позиција, но дека економиите на земјите членки се поврзани преку единствениот пазар.

„Сега ЕУ се свртува кон посигурни енергетски партнери. Веќе достигнавме рекордни количини испораки на природен гас од Соединетите Американски Држави, зголемување на обемот на гас од Норвешка, Алжир или регионот на Каспиското Море, како и сѐ поголем број земји во светот“, додаде таа.

„Во првата половина на 2022 година увезовме дополнителни 38 милијарди кубни метри ЛНГ и гас преку гасоводи што не се од Руската Федерација. Ова повеќе компензира за намалувањето од 28 милијарди кубни метри снабдување со гас преку рускиот гасовод“, рече таа, пренесе „Блиц.рс“.

Advertisement

Leave a Reply

Your email address will not be published.