Абазовиќ реагира по падот на владата на Црна Гора

Мислам дека многу работи се појасни, честитам на новата коалиција на Алекс Бечиќ и Мило Ѓукановиќ, се надевам дека наскоро ќе се договорат за нова влада, изјави Дритан Абазовиќ по разрешувањето на црногорската влада. „Подготвени сме да ги предадеме овластувањата. Ова е најинклузивната влада што некогаш постоела, немале реваншистички однос кон никого. Би сакал секој иден да биде таков“, рече Абазовиќ на прес-конференција во Собранието на Црна Гора.
Тој рече дека жали што организираниот криминал сè уште ги користи своите пипала за управување со политичките односи, пренесува rtcg.
Горд сум на се што направивме за 100 дена. Ќе останеме запаметени како најкратката влада. Ќе направиме се за владата што ќе се формира по изборите да ја испрати Црна Гора во ЕУ“, рече Абазовиќ. Тој рече дека УРА нема да учествува во Владата доколку се формира пред избори.
„Тоа е ставот на СНП, како што јас разбирам, долго време седиме на маса, формиравме две влади, логично е некој друг да преземе иницијатива. Бечиќ, Ѓукановиќ и Шеховиќ нека го направат новото мнозинство“, изјави Абазовиќ. Инаку, 50 од 51 пратеник гласаа за разрешување на црногорската влада, додека еден глас беше против. Покрај подносителите на денешното барање за недоверба (ДПС, СД, СДП, ЛП, ДУА), за пад на Владата гласаа и пратениците на Демократската партија, Босанската партија, Прави и Уједињене Црне Гор.