Автомобил прегази малолетник на „Партизанска“

Синоќа се случила сообраќајна незгода на булеварот „Партизански одреди“, при што еден малолетник се здобил со тешки телесни повреди.

– На 19.06.2023 околу 21.10 часот во СВР Скопје било пријавено дека на бул.„Партизански одреди“, патничко возило „сузуки свифт“ со скопски регистарски ознаки, управувано од Е.А.(22) од Скопје, удрило во малолетен пешак од Скопје, информира МВР.

Како што соопшти МВР, по несреќата малолетникот бил префрлен во Комплекс клиники „Мајка Тереза“ каде од лекар му се констатирани тешки телесни повреди.

Увид на местото на настанот извршила екипа од СВР Скопје.