Бошњаците за прв пат во историјата ќе имаат свој кандидат за претседател на Македонија.
Станува збор за Мерсиха Смаиловиќ, која ќе биде кандидат на Босанскиот демократски сојуз.
Мерсиха Смаиловиќ е адвокат и граѓански активист.
Во својот граѓански ангажман таа е активна на полето на застапување за човекови права, дискриминација, родова еднаквост, права на етничките групи итн.
Нејзините истражувачки трудови за правата на бегалците, исламофобијата, правата на жените се објавени во повеќе локални и меѓународни публикации.
Таа беше активно вклучена во бројни хуманитарни мисии на глобално и локално ниво.
Мерсиха дипломирала на Универзитетот Св. Кирил и Методиј на Правниот факултет, а моментално е магистер по меѓународно право на истиот универзитет.
Таа беше вклучена во неколку иницијативи за промена на законите и прописите во земјата.
Таа е алумна на американската организација Vital Voices, која е основана од Хилари Клинтон и има за цел да ги едуцира и поддржува жените во политиката.
Мерсиха е родена во Скопје, мажена е и мајка на две ќерки.
Таа е и сопственик на компанијата за финансиски и правни услуги НАХЛА КОНСАЛТИНГ каде моментално работи со полно работно време.