Оливер Спасовски, доколку е доблесен, веднаш мора да одговори за бегството на синот на Командантот Баци од УЧК, и за однесувањето на Тигрите по кафеаните!, реагира Наум Стоилковски од ВМРО-ДПМНЕ.
Специјалци од редот на Тигрите извадиле пиштоли кон бремена жена во кафeана во Белимбегово, се степале со сопругот на бремената, а за сето тоа има записник, тврди Наум Стоилковски од ВМРО-ДПМНЕ. Стоилковски реагираше дека наместо полицијците да го гонат неодамна избеганиот притвореник, синот на Командант Баци од УЧК, тие дивеат.
На пресконференција Стоилковски соопшти:
Наместо веднаш да се бара каде исчезнал притворениот син на Командантот Баци, којшто го вратиле дома од суд во притвор додека се пишувало решение за затворски притвор, наместо полицијата да реши барем едно од пукањата низ Скопје, МВР соопштува дека силите на Оливер Спасовски по кафани вадат пиштоли, а по медиумите имало и бремени жени и се почнуваат тепачки со последици!
Срамно и недостоинствено, припадници на полициските специјалци- Тигри, во кафеана во скопско Белимбегово, ваделе оружје, според медиумите, кон бремени жени, започнале тепачка со сопругот на бремената, а во инцидентот има и последици и сето ова е пријавено и за сето има записник во полициска станица!
Наместо да го бара избеганиот притвореник, синот на Командантот Баци од УЧК, полицијата вади пиштоли по кафани!
Извор. https://plusinfo.mk/vadat-pishtoli-po-kafeani-namesto-da-go-fatat-sinot-na-baci-stoilkovski-obvinuva-deka-tigrite-napravile-incident-vo-belimbegovo/
