Пејачот Ангел Павлов, кој ја отпеа песната за Васко Жабата и Цеца Мецата, се откажа од музичката кариера и го напушти познатиот оркестар „Камчија“, пишуваат бугарските медии, пренесува монитор.мк.
Ова го соопшти првиот човек на составот Борис Иванов.
Потсетуваме, во последниот месец, заборавениот хит на оркестарот – „Комбинат-млач“ ги собори сите рекорди на гледаност во Србија, Македонија, па дури и во Хрватска.
„Главниот лик во песната – Ангел Павлов, кој се поистоветува со Васко Жабата, замина во пензија. Има 52 години и деновиве реши да се откаже од музиката. Од свои лични причини. Има свои причини, има други приоритети во животот.Секој од нас работи на нешто друго“, објасни за „Марица“ Борис Иванов, кој е музичар од втора генерација во оркестарот.
Мајката на Борис, Марија, е жената што ја вози жетварката во клипот, а неговиот татко Иван свиреше на гајдата во оркестарот./