ВИДЕО | Уметничко лизгање: Русинка изведе кореографија на песната „Proud“ од Тамара Тодевска

Руско-српската лизгачка Антонина Дубинина (27) настапи на годинашното издание на Европското првенство во уметничко лизгање, кое се одржува во Каунас, Литванија.

Дубинина настапи во кратката програма на женски сингл, а заврши на 31. место.

Но, тоа што остави најсилен впчеаток е дека талентираната спортистка изведе кореографија на песната „Proud“ на македонската пејачка Тамара Тодевска.

Ова не остана незабележано од страна на нашата музичка дива, која го сподели настапот на лизгачката на својот инстаграм-профил.

Антонина Дубинина е родена во Москва, на 23 октомври 1996 година, а почнала да тренира уметничко лизгање на 5 години.

Таа има српско-руско потекло и настапува за Србија, а досега дури шестпати била шампион на Србија во уметничко лизгање.