Во железничката несреќа во судир на патнички и товарен воз што се случи во петокот вечерта кај Новска, во местото Рајиќ, во моментов има податоци за тројца загинати и 11 повредени лица кои се пренесени во болниците во Славонски Брод, Пакрац и Нова Градишка. Инспекторот на Агенцијата за истраги за несреќи Томислав Антун Бибер за N1 потврди дека двајца вработени во ХЖ кои биле на должност во тоа време загинале. Третото лице кое почина е малолетно, додаде тој.
„При посета на местото на несреќата, гледаме дека има сигнал за запирање од правец на патничкиот воз“, изјави за Н1 Томислав Антун Бибер, инспектор на Агенцијата за истраги на несреќи.
Во болницата во Нова Градишка се примени 7 повредени лица. Две лица се тешко повредени, но се стабилни и не се во животна опасност, потврди началникот на Одделот за општа хирургија во Општата болница „Нова Градишка“, д-р Ведран Гајски
Од болницата во Нова Градишка за ХРТ потврдија дека е примено петчлено семејство од Иран – баба, дедо, син, снаа и момче на возраст од 6 до 7 години. Тие не зборуваат англиски и само двајца членови ги дале своите информации на властите./faktor.mk/
