Српскиот претседател Александар Вучиќ, чие име беше на изборната листа на владејачката Српска напредна партија (СНС), синоќа изјави дека освоил апсолутно мнозинство на предвремените парламентарни избори и дека СНС победила на изборите во Белград. Според проекциите на Ипсос, листата на Вучиќ освои 128 од 250 мандати во српскиот парламент.
Вучиќ во изборниот штаб на СНС рече дека врз основа на досега преброените два милиони гласови, СНС никаде во Србија не добила помалку гласови отколку на изборите пред една година, туку 10 отсто повеќе отколку во 2022 година.
Листата „Александар Вучиќ – Србија не смее да запре“ освои 38,5 отсто од гласовите на изборите за градското собрание на Белград, а на второ место е листата „Србија против насилството“ со 35 отсто поддршка од гласачите, рече тој. Следува конзервативната коалиција НАДА со шест отсто од гласовите, Социјалистичката партија на Србија (СПС) на шефот на дипломатијата Ивица Дачиќ ќе има 5,4 отсто, а листата на доктор Бранимир Несторовиќ околу 5,1 отсто.
Ова се најновите резултати
Државната изборна комисија (ДИК) утрово ги објави последните резултати од вчерашните избори во Србија. Врз основа на обработени 7.561 од 8.273 избирачки места, објавени се резултатите за парламентарните избори.
Како што е наведено на сајтот на ДИК, апсолутно мнозинство на парламентарните избори имаше листата „Александар Вучиќ – Србија не смее да застане“, која освои 47,24 отсто од гласовите.
Следи листата „Србија против насилството“ која освоила 22,86 отсто од гласовите, потоа Социјалистичката партија на Србија – 6,67, додека „Надеж за Србија“ има 4,94 отсто. Следува листата „Ние – гласот на народот – Бранимир Несторовиќ“ со 4,63 отсто, додека Милица Ѓурѓевиќ Стамнековски – Бошко Обрадовиќ имаат 2,8 отсто од гласовите.
Унгарскиот претседател Виктор Орбан, кој важи за близок пријател на Вучиќ, прв му ја честиташе победата.
#Serbia will not stop! Congratulations to President @avucic and members of his list on their overwhelming election victory!
— Orbán Viktor (@PM_ViktorOrban) December 17, 2023
Србија нема да застане! Им честитам на претседателот Вучиќ и на членовите на неговата листа за убедливата изборна победа!“, напиша Орбан на својот официјален Твитер профил.
За српската опозиција, овие предвремени избори се „кражба без преседан“ и за денеска во 18 часот најави големи протести.
ФОТО: EPA-EFE/ANDREJ CUKIC
