Фолк пејачката Дара Бубамара се огласи на својот Инстаграм профил и им најави на обожавателите дека ќе ги откаже сите настапи и ќе се пензионира на два месеци.
Како што најави Дара, причина за повлекувањето се новите песни на кои работи:
„Драги мои, сакам да ве информирам дека ќе направам концертна пауза во текот на јануари и февруари. Во моментов сум посветена на довршување на нови песни и нови проекти, а потоа ќе одам на заслужен одмор“, напиша Дара на Инстаграм.
Како што наведе, концертите ќе бидат поместени за март и април:
„Поради оваа причина, сите закажани концерти во јануари и февруари се поместени за март и април. Ви благодариме за разбирањето“.
Инаку, пејачката неодамна се врати од американската турнеја, а како што тврдат нејзини блиски пријатели се вратила побогата за 150.000 долари. Дара пееше во Феникс, Њујорк, Џексонвил и Мајами, а за дочекот на Новата 2024 година ги забавувала гостите во хотел во Чикаго.