Две деца украле „хонда“ од Скопје, па си возеле без дозвола

Полициски службеници на СВР Тетово, вчера (30 јануари) околу 11.30 часот на улица „Благоја Тоска“ во Тетово лишиле од слобода двајца малолетници од Тетово.

Тие се сомничат дека пред неколку дена во Скопје противправно одзеле патничко моторно возило „хонда“ и без регистарски ознаки и дозвола го управувале.

Двајцата се задржани во Полициската станица Тетово, а возилото му било вратено на неговиот 35-годишен сопственик А.Ј. од Скопје. По целосно документирање на случајот против малолетниците ќе следуваат соодветни поднесоци.

Извор. https://press24.mk/dve-deca-ukrale-honda-od-skopje-pa-si-vozele-bez-dozvola