Драма во скопски автобус: возачот станал и си заминал, на патниците им рекол „Седни ми во скут, па вози“

Возач на приватен автобус со број 22 утрово остави полн автобус со патници во населбата Даме Груев, револтиран од метежот од средношколци кои настојуваа да се качат во возилото, оти доцнеа на првиот училиштен час, пишува „Слободен печат“.

Патниците што стоеја на станицата револтирано велеа дека претходните два автобуса на распоред не дошле и сакаа да се качат во автобусот.

Возачот, немајќи капацитет да се справи со ситуацијата излезе од автобусот и си замина, оставајќи го возилото и стотина патници среде улица.

Еден патник посведочи дека револтирана патничка додека возачот стоеше во возилото му рекла: „Ајде вози, доцниме“, на што тој ѝ одговорил: „Седни ми во скут, па вози“.