Во ескалирачкиот конфликт со руските воени власти, Евгениј Пригожин, водачот на руската платеничка група Вагнер, повика на бунт против војската – иако тој негираше обид за државен удар. Москва го обвинува за вооружен бунт.
Пригожин вели дека неговите сили марширале од Украина во Русија и контролираат клучни локации во јужниот руски град Ростов-на-Дон.
Пригожин ја обвини и руската армија дека извршила смртоносен ракетен напад врз војниците на Вагнер во Украина, што Министерството за одбрана го негира.
Тој објави видео во кое вели дека силите на Вагнер ќе продолжат да го блокираат градот и ќе се движат кон Москва доколку не го пречекаат началниците на одбраната Сергеј Шојгу и Валери Герасимов.
Москва воведе антитерористички мерки – на улиците се забележани оклопни возила.
Автопатот М4 што ги поврзува Москва и Ростов е затворен на границата меѓу регионите Липецк и Воронеж, изјави гувернерот на Липецк.
На крајот зборуваше и рускиот претседател Владимир Путин.
