Секој обид за апсење на претседателот Владимир Путин би бил директно објавување војна на Русија, рече Дмитриј Медведев, заканувајќи се дека ќе го нападне седиштето на секоја влада што ќе дозволи апсење. Во петокот, Меѓународниот кривичен суд (МКС) издаде налог за апсење со кој го товари Путин за воено злосторство за незаконско депортирање на стотици деца од Украина, тврдејќи дека Путин сноси индивидуална кривична одговорност.
Ројтерс пишува дека поранешниот претседател Медведев за руските медиуми изјавил дека МКС, кој не е признат од Русија, Кина и САД, е институција која никогаш не направила ништо значајно. Сепак, секој обид за апсење на Путин би бил објава на војна, рече Медведев.
„Да замислиме дека апсењето е реализирано за шефот на нуклеарната држава (Путин) да оди на територијата на, да речеме, Германија и да биде уапсен. Што би било тоа? Тоа би било објава на војна против Руската Федерација“, рече тој во видеото објавено на Телеграм. „И во тој случај, сите наши средства – сите наши проектили – би одлетале до Бундестагот, до канцеларијата на канцеларката.
