Зеленски му се заблагодари на Столтенберг за неговата осуда на лажните референдуми

Лажните референдуми во Украина се јасно кршење на меѓународното право, изјави генералниот секретар на НАТО, Јенс Столтенберг.

Тој истакна дека телефонски разговарал со украинскиот претседател Володимир Зеленски, кому „јасно му ставил до знаење дека сојузниците на НАТО се непоколебливи во нивната поддршка за суверенитетот на Украина и правото на самоодбрана“.

Телефонскиот разговор следел по гласањето организирано во четири окупирани региони на Украина за приклучување кон Русија.

Во објава на Твитер, Зеленски му се заблагодари на Столтенберг за неговата осуда на гласањата, кои Украина и нејзините западни сојузници ги нарекуваат незаконски.