Мажот нема потреба да има секс нон-стоп за да се чувствува опуштено…
Најголемиот непријател на сексот е стресот, вели Јосиф Фидановски, психосексуален терапевт и советник за партнерски односи. Голем дел од западниот свет страда од намалена сексуална желба токму поради начинот на живот кој не е природен.
„Од потисната сексуалност поради религијата отидоа во другата крајност – секс секогаш и секаде. Луѓето станаа опседнати со секс, преценувајќи го, па очекувањата значително пораснаа“, вели терапевтот.
Ваквиот неразумен пристап кон сексот ги одведе мажите во погрешна насока, наместо да го извлече максимумот од сексот, тој почнува да им пречи на луѓето. Мажите немаат потреба да има секс нон-стоп за да се чувствуваат опуштено, но проблем е и недостатокот на секс, нагласува Фидановски.
„Сексот е еден од најубавите начини на поврзување и интимност со партнерот, но луѓето не го користат. Зошто? За многумина сексот стана обврска, како работа, а таквиот став ги одбива луѓето од него. Многумина имаат сексуални дисфункции, проблеми со ерекција или оргазам, разни видови на сексуална зависност, па им ја намалува желбата. Сепак, најчестите причини кои го отежнуваат сексуалниот живот (ако се исклучат некои фактори како сексуални дисфункции) се стресот, депресијата, стравовите и „недостатокот“ на време“, објаснува терапевтот и додава дека клучот е односот што го имаат партнерите, како и важноста што ја придаваат на сексот.
Влијанието на апстиненцијата од секс?
Апстиненцијата од секс не предизвикува автоимуни заболувања, но значајно влијае на квалитетот на животот.
„Сексот не е се, но е навистина важна алка во односите со партнерот. Во отсуство на сексуална активност доаѓа до зголемен број на кавги и несогласувања. Затоа е разумно кога ќе речат дека сексот ја спаси врската или бракот“, порачува терапевтот.
